Laptop ya PC me screenshot kaise lete hai padhiye hindi me.


Hi Friends. Aaj mai apko bataunga ki apne laptop ya pc me screenshot kaise lete hai.

Aajkal ki life me screenshot lena bohot hi important ho gaya hai. Chahe apne friend ko kuch show karna ho, ya debugging ke liye koi problem ka screenshot mail ya upload karna ho.

Kabhi kabhi apne programs ka screenshot as a result bhi store karna hota hai, aur bhi bohot jagah use hota hai screenshot.

To screenshot kaise lete hai. Different windows ka different tarika hota hai aur mai ek ek karke apko sab methods bataunga.

For Windows Xp user.

Window Xp me do method hai screen capture karne ke liye. First, keyboard me “PRT SC” (Print screen) button press kare uske baad kisi bhi editor like paint me jaake Paste kar de (CTRL + V) then apka screenshot paste ho jaega aur fir file ko save karde.

Second, ALT aur PRT SCR ko ek sath press kare and then same paint me jaake paste and save Karde.

For Window Vista and Window 7 user.

Aap upar ke dono method ke sath sath windows 7 aur vista me ek new tool snipping tool ko bhi use kar sakte hai.

Snipping tool ko open karne ke liye pehle Start Button pe click kare then All Programs-> Accessories aur fir snipping tool. Snipping tool apko jitna portion chaho utna portion ko capture karne ki ability deta hai.

For windows 10 user.

Windows 10 me new feature hai jo aapke screenshot ko automatically file me save kar deta hai. Windows 10 me screenshot lene ke liye Windows Key aur PRT SC button ek sath press kare. Pictures me Screenshot name ka folder ban jaega aur apki file waha save ho jaegi.

Windows 10 me snipping tool use karne ke liye search bar me snipping tool type kare, jab wo open ho jaega to New screenshot pe click kare, fir jo cursor aega usko apne hisab se set kar le, jitni screen ka apko screenshot lena hai.

Screenshot kaise lete hai

Screenshot in Mac.

Mac me full screen ke liye Command + Shift + 3 press kare aur apki file automatically desktop pe save ho jaegi.

Agar apko full screen nahi chahiye to Command-Shift-4 press kare uske baad cursor cross-hair cursor me change ho jaega, fir jitna portion chahiye utna select kare uske fir camera pointer ko uspe upar laye highlight karne ke liye. Apki file desktop pe automatically save ho jaegi.

Agar aapko ye Information helpful lagi ho to niche comment kare aur iss post ko share kare.



Add Comments Here